.“..မင်းအမေဗိုက်အောင့်လို့ဆေးရုံတင်ရတယ်”
သူငယ်ချင်းစကားသံကကျနော့နားထဲသို့ဆောင့်၍၀င်လာသည်။
ကျနော်လ္ဘက်ရည်ဘိုးကိုရှင်းပြီး ဆေးရုံသို့စက်ဘီးကို သွန်နင်းသွားခဲ့၏။
ကျနော်ဆေးရုံထဲရောက်တော့မြို.နယ်ဆရာဝန်ကြီးက
အမေ့ကိုစမ်းသပ်နေသည်ကိုတွေ့လိုက်ရသည်။
“နာနေတာကောင်းသွားမယ်နော်..ဟုတ်လား ..”
ခုဆေးထိုးပြီးရင်သက်သာသွားမယ်.....စိတ်မပူနဲ့နော်...ကြီးကြီး
..ဆရာဝန်ကြီးကိုအမေသည်နာနေရာမှ ခေါင်းငြိမ့်ပြရှာသည်။အမေ့အခန်းတွင်ကုတင် (၁၀)လုံး
ရှိပြီး( ၅ )လုံးစီခြေချင်းဆိုင်ထားသည်။ခဏနေတော့ဆရာမတစ်ယောက်အမေ့ကိုဆေးလာထိုးပေးသည်။
ဆေးထိုးရမှာကိုအမြဲကြောက်ခဲ့သော အမေသည် ဝေဒနာကြောင့်မကြောက်နိုင်တော့
မမ ကတော့အမေ့မျက်နှာမှချွေးများ ကိုသုတ်ပေးနေသည်။
"နာလိုက်တာသမီးရယ်.....အမေ့ဗိုက်ထဲမှာ..နာလိုက်တာ..."
"ကောင်းသွားမယ်နော် အမေ ခုဆေးထိုးပြီးသွားရင် ကောင်းသွားမှာ"
မမ ရဲ့.အားပေးစကားကို ခေါင်းငြိမ့် ပြရင်း ကျနော်.အား............
"သား ...ထမင်းစားခဲ့ရဲ့လား ...အစောကြီးထွက်သွားတာ..."
"ဟုတ်ကဲ့အမေ ...ကျနော်ဝင်စားခဲ့တယ်.."
ကျနော်အမေ့ကိုညာလိုက်ရ၏။အမေသည်ဝေဒနာကြားမှမိခင်ပီပီကျနော်အတွက်ပူနေသေးသည်။
ခဏနေတော့ ဆေးအရှိန် ကြောင့်ထင်အမေအိပ်ပျော်သွားသည်။
"မောင်လေး....ဆရာကြီး ဆီမှာဆေးဝယ်ဘို့လက်မှတ်လာယူပါ"
သူနာပြုဆရာမ ခေါ်၍ ကျနော်ဆရာဝန်ကြီးအခန်းထဲလိုက်ဝင်သွားသည်။
"လာ....ငါ့တူထိုင်...မင်း ..အမေလား..."
"ဟုတ်ကဲ့ခင်ဗျ...."
“မင်း အမေ ရဲ.အခြေနေကတော....စိုးရိမ်ရတယ် ...ကွ..”
“ဘာဖြစ်တာလည်းဆရာ...”
“အူမှာ အနာဖြစ်နေတယ်ထင်တယ်...လိုအပ်ရင် ဖြတ်ထုတ်ပစ်ရမယ်....
ဖြစ်နေတာတော်တော်ကြာပြီထင်တယ်....”
“အရင်ကတော့ ဗိုက်ခဏခဏ အောင့်တယ် ဆရာ..ဆော်ဒါသောက်
လိုက်ရင်တော့ ပျောက်သွားလို.အမေ..ကဆောင်ထားတယ်...”
“အင်းလေ .အသက်ကလည်း.....(၆၀) ကျော်ပီဆိုတော့ အားရှိအောင်နဲ့ အနာသက်
သာအောင် ဆေးအရင်သွင်းထားပေးမယ် လိုအပ်မည့် သွေး နှစ် ပုလင်း နဲ့
ဆေးတွေတော့ရှာထားပေးပေါ့ ဆေးလက်မှတ်ရေးပေးလိုက်ပါ.မည် ....“
"ဟုတ်ကဲ့ပါဆရာ...."
“မနက်ဖြန် မနက် (၁၀)နာရီ ခွဲလောက် ခွဲ မှာဆိုတော. ဒီညနေကစပြီးတော့ ဘာအစာမှမ
ကျွေးပါနဲ့ ဘာမှလည်းမတိုက် ပါ နဲ့အရည်ဆိုရင်ရေတောင်မတိုက် ရဘူးနော်..သတိထားပါ."
"ဒါဆိုအမေ အားပြတ်သွားမှာပေါ. " ...
"အဲဒီလိုမဖြစ်ပါဘူး ..အာဟာရအတွက်လုံလောက်တဲ့ဆေးတွေ
သွင်းထားပေးမှာပါ..သည်တစ်ည လောက်ပါဘဲ....."
ကျနော်.ဆေးစာရွက်ကိုယူပြီးပြန်လာတော့ စိုးရိမ်နေသောအမကဆီးမေးလိုက်သည်။
"အမေ ..ဘာဖြစ်တာလည်း မောင်လေး ..."
"အမေက အူမကောင်းလို့ ခွဲရမယ်..မနက်ဖြန်ခွဲ မယ်တဲ့
မ နက်ဖြန် မနက် ခွဲမှာ..ဒီညနေက စပြီးဘာမှမကျွေးနဲ့တဲ့"
"အမေလည်း စားမှာ ...စားနိုင်မှာမဟုတ်ပါဘူး...".
"ရေတောင်...မတိုက်ရဘူးတဲ့...မမ."
"ခွဲ လိုက်ရင်ကောင်း သွားမယ်တဲ့ လား"
မမ အတော်လေးစိုးရိမ်နေလေပြီ ကျနော်လည်းဆရာဝန်ကြီးကိုမေးခဲ့သည့် မေးခွန်းပင်ဖြစ်သည်။
"ဒါကတော့ ပြောလို့ မရဘူး..အသက်ကလည်းကြီးပြီဆိုတော့ ဆရာတို့ ဘက်ကတော့
အစွမ်းကုန်ကုသပေးမှာပါ...သေချာတာကတော့ မခွဲရင်..မင်းတို.အမေကိုမင်းတို့
ဆုံးရှုံးရဘို့များတယ်"
ကျနော်မမကို ထိုအကြောင်းများပြန်မပြောချင်တော့ပေ။
"အင်း ခွဲလိုက်ရင်ကောင်းသွားမယ်တဲ့."....
မမ ချက်ချင်းပင်လည်ပင်းမှ ဆွဲကြိုး ကိုဖြုတ်ချွတ်လိုက်ပြီး
"ရော. ..မောင်လေးလိုအပ်တာတွေ သွားဝယ်လိုက်
မမ အမေ့ကိုစောင့်နေမယ်၊အပိုင်းကလူတွေကိုလည်းပြောလိုက်နော်."
ကျနော်ဆေးတွေဝယ်ပြီး ပြန်လာအချိန် ထိ အမေ မနိုးသေးပေ၊အမေ့လက်မှာတော့ အားဆေး
တစ်ပုလင်း ပိုက်နှင့်သွင်းထားသည်။ မမကလက်ဟန်နှင်.အသံမထွက်ရန်ပြော၍ကျနော်အမေ့
ဘေးတွင်ထိုင်နေလိုက်သည်။ညနေ(၃)နာရီလောက်နောက်ထပ်ဆေးတစ်ပုလင်းလာလဲတော့
မှအမေနိုးလာသည်။ မမက...
“အမေ..နေရတာသက်သာလား.."
"အင်း..သိပ်မနာတော့ဘူး...တကိုယ်လုံးတော့လေးပြီးအိပ်ငိုက်သလိုဘဲ
အခန်းကလည်းပူတယ်နော်..သမီးတို့ ကော စားပြီးကြပြီလား."
"စားပြီးပါပြီအမေ...သမီးတို.တလှဲ့ စီစားကြတာ".
အမေ..မျက်လုံးလေးမှိတ်ပြီးပြန်မှိန်းသွားသည်။ဆယ်မိနစ်လောက်ကြာတော့
"ပူလိုက်တာသမီးရယ်...အမေ့ ကိုရေနွေးလေးတခွက်လောက်..."
မမ ကကျနော့ကိုလှမ်းကြည့်တော့ကျနော်ခေါင်းခါပြလိုက်သည်။
"ဆရာဝန်က မပေးသောက်ဘူးအမေ..."
"ဒါဆိုရင်လည်းရေကျက်အေးလေးဖြစ်ဖြစ် ရေအေးလေးဖြစ်ဖြစ်
ပေးကွယ်...အမေ လည်ချောင်းတွေပူနေလို့ .."
“သားကိုဆရာဝန်ကပြောတယ် ... အမေ....ရေသောက်ရင် ဗိုက်က....ပိုပြီး...”
"အော်ဟုတ်လား...အေး ပါကွယ် အေး အေးပြီးရော"
အမေ ပြန်မှိန်းသွားပြန်သည်။ကျနော်ကော မမပါ အမေ့ကိုကြည့်၍ရင်ထဲတွင်မကောင်းကြ၊
နာရီကိုလှန်းကြည့်တော့ ညနေ(၆)နာရီကျနော်တို့ နောက်ထပ် (၁၆)နာရီ ဖြတ်သန်းရပေဦးမည်။
နာရီဝက်လောက်ကြာတော့ အမေလူးလွန်.ပြီးမျက်လုံးပွင့်လာသည်။မမ ကိုလက်ရပ်ခေါ်ပြီး
တိုးတိုးပြောသည်။မမ ကအမေ့ကိုဆီးတည်နေတုန်းအခန်းပြင်ထွက်လာစဉ် အားဆေးပုလင်း
လဲရန်လာသည့်ဆရာမကို ...ကျနော်တို့ ဒုက္ခကိုပြောပြရာ......
“ကျမဆရာကြီးကိုမေးပြီး အိပ်ဆေးထဲ့ပေးထားမည်..”
ကျနော်အတော်လေးစိတ်သက်သာရာရသွားသည်။အမေ.ဆီပြန်ရောက်တော.အမေကလှဲမနေ
ဘဲခေါ်င်းအုံးကြောမှီ၍ထိုင်နေသည်။
“မငွေရင် သက်သာလား ငါလည်းကြားကြားချင်းပြေးလာတာ....”
သည်အသံကြားသည် နှင့်အမေ့သူငယ်ချင်းဒေါ်သန်းအသံမှန်းကျနော်သိလိုက်သည်။
အမေအာရုံ ရေဆာသည့်ဆီသို့ မရောက်ရန်အကူညီပင်။
"လာပါအန်တီသန်း ထိုင်ပါ."
"ဒီမှာ ငွေရင် နင်အဖတ်စားလို့ ရမှာမဟုတ်သေးလို့
ငါအချိုရည်ဘူးဘဲယူခဲ့ပေးတယ်...အကောင်းစားအေ့"
ကျနော်ကြည့်လိုက်တော့ ထိုင်းစာတန်းထိုးထားသောအစိမ်းရောင်ပလတ်စတစ်ပုလင်း၊အမေ
ကအချိုရည်ဘူးကိုကြည်ပြီးမှကျနော့မျက်နှာကိုလှန်းကြည့်သည်။အမေ့အကြည့်ကကျနော့ရင်ကို
ဆို့ ကြပ်စေသည်။ကျနော်ပြောရန်စကားလုံးများရှာမရ...အမေသည်သားသမီးရဲ့ မျက်လုံးကို
အမြဲတမ်းဘာသာပြန်တတ်သည်ပင်။
"ငါအခု မတည့်သေးဘူး နေကောင်းမှသောက်မယ်နော်..."
မမ ကထပြီးအပြင်ကိုလှမ်းကြည့် နေသည်။ကျနော်သိသည် မမမျက်ရည်ကျနေပေမည်။ကျနော်
အချိုရည်ဘူးကိုယူပြီးကုတင်ဘေးကကြောင်အိမ်လေးထဲသို့ ထည့်လိုက်သည်။ထိုစဉ်ဆရာမရောက်
လာပြီးသွင်းထားသောအားဆေးပုလင်းလဲပေးသည်။ဆရာမကကျနော.ကိုခေါင်းငြိမ့်ပြသွားသေး
သည်။ဒေါ်သန်း ပြန်သွားပြီးမကြာခင်အမေပြန်အိပ်ပျော်သွားသည်။
ည(၈)နာရီ..
ကျနော်ကုတင်တိုင်ကိုမှီ၍ မုဆိုးမဘ၀နှင်.အရွယ်ကောင်းကိုစွန့်ပစ်ခါကျနော်တို.မောင်နှမကိုလူလား
မြောက်အောင်ရှာကြွေးခဲ့သောအမေ.ပုံရိပ်များကိုတွေးနေတုံး မမလှန်းတို့ လိုက်၍သတိပြန်ဝင်လာ
သည်။မမကလက်ဟန်နှင်.အမေ့ကိုချွေးသုတ်ခိုင်းနေခြင်းဖြစ်သည်။တပေါင်းလ၏အပူချန်က
အမေ့ ကိုယ်တွင်းမှရေများကိုချွေးအဖြစ်တွန်းထုတ်နေခြေပေပြီ။ကျနော်အမေ့လက်ကလေးကို
ချွေးသုတ်ပေးစဉ်ယုတ်တရက်ကျနော.လက်ကိုအမေလှမ်းဆုတ်လါသည်။
"သား..အမေ.ကို ရေနည်းနည်းတိုက်လို့ ရမလားလို.သွားမေးပေးပါလား..
မေးပြီးပြီ..မရဘူးတဲ့..အမေ..မနက်လောက်မှ...."
အမေပြန်မှေးသွားပြန်သည်။ (၉)နာရီခွဲလောက်မှာအမေဆီးနဲနဲထပ်သွားပြီးဘာမျှမပြောတော့ ပေ၊
အမေသည်မျက်လုံးမှိတ်ထားသော်လည်းအိပ်ပျော်ဟန်မတူပေ။ည(၁၁)နာရီလောက်မှာအမေကြော
ပူ၍ထိုင်စေသည်။အမေဗိုက်နာတာသက်သာလာသော်လည်းရေသောက်ချင်သည်.စိတ်ကပိုပိုလာ
ဟန်ရှိသည်။မမ ကရေဆွတ်ထားသည့်ဂွမ်းစကိုအမေ့နှခမ်းမှာသုတ်ပေးလိုက်တော့အမေနဲနဲ
အာသာပြေဟန်ရှာလေသည်။
"အင်း..ရှေးက ၀ဋ်ကြွေးပေါ့ ကွယ်...ဝေဒနာတွေ....ဝေဒနာတွေ".
အမေတရားမှတ်နေသည်ထင်။အမေသည်ရေအစားတရားရေကိုအစားထိုး၍ငတ်မွတ်ခြင်းကိုဖြေ
ဖျောက်နေလေသည်။မနက် (၂)နာရီ...
“သားရယ်အမေရေဆာလိုက်တာကွယ်...”
အမေ၏အသံသည်ကျနော့နားတွင်းသို.ပူလောင်စွာစီးဝင်ဆဲပင်၊တပေါင်းနွေ၏အပူချိန်ကတော်တော်
လေးပျင်းရှနေချိန်မို့ အမေခံရခက်နေသည်ထင်။
"အမေ ရေတစက်လောက်သောက်ပါရစေ...သားရယ်.".
တိတ်ဆိပ်သောညမှ.....အမေ့အသံကနားထဲသို့ ပေါက်ကွဲဝင်လာသည်။ကျနော်သည်းမခံနိုင်
တော့ကျနော်ရေသန့် ဘူးကိုဖွင်.ပြီးရေခွက်ထဲသို.ထည့်ရန်ပြင်ချိန်ကျနေနာ့လက်ကိုမမ..
ကလာ၍ဖိကိုင်ခါတားထားလေသည်။ကျနော့်လက်ပေါ်သို့ ကျလာသောမမမျက်ရေစက်က
ကျနော့ကိုရပ်တန့်သွားစေပါသည်။
"အမေ..တရားဘဲဆက်မှတ်နေလိုက်ပါလား....မိုးလင်းတော့မှာဘဲ"
မမ စကားကိုအမေနားထောင်ပြီးမျက်စိမှတ်နေလိုက်သည်မှာ..မနက်(၈)နာရီတိုင်အောင်ပင်....
မနက်ဆရာဝန်များလာ၍အမေ့ကိုစမ်းသပ်ပြီးခွဲစိပ်ဖို.အတည်ပြုလိုက်ကြသည်။အမေကသူခွဲ
စိတ်ခံရမည်ကိုသိသွားသော်လည်းတုန်လှုပ်ဟန်မပြပေ။ကျနော်သွေးလှူရန်ရောက်လာတဲ့သူ
ငယ်ချင်းတွေကိုသွေးဖေါက်ရာမှပြန်လာတော့အမေကျနော့ကိုလှန်းခေါ်ပြီးလက်ကိုဆုတ်ကိုင်ခါ
"သား...မမ စကားကိုနားထောင်နော်...မမိုက်နဲ. ကြားလား"
အမေ့လေသံ ကခရီးတခုကိုသွားတော့မည့်သူ၏နှုတ်ဆက်သံမျိုးကျနော်ဝဲလာသည့်မျက်ရည်ကို
ထိန်းပြီးခေါင်းငြိမ့်ပြလိုက်သည်။
တအောက်လောက်ကြာတော့ဆေးရုံဝန်ထမ်းများအမေ့ကိုခွဲစိပ်ခန်းသို့ သယ်ယူသွားကြသည်။
ကျနော်အမေ့လက်ကိုကိုင်၍အခန်းဝထိလိုက်သွားပါသည်။တစ်နာရီကျော်လောက်ကျနော်
တို့ မောင်နှမခွဲခန်းအ၀မှာထိုင်စောင့်နေကြသော်လည်းဘာစကားမျှမပြောဖြစ်ကြပေ။
ခွဲခန်းမှအမေ့ကိုပြန်ထုတ်လာတော့အမေသည်သတိမရသေးပေ။
"တနာရီလောက်ကြာရင်သတိပြန်ရလာမှာနော်"
ဆရာဝန်ကြီးမှကျနော့ကိုအားပေးစကားပြောပြီးထွက်သွားသည်။
အမေကတော့ကုတင်ပေါ်မှာ ဆေးပိုက်တန်းလန်းနှင့်မေ့မျောနေတုန်း။
အမေပြန်မှကောင်းလာပါ့မလား
ကျနော့ကိုဆုံးမစကား တွေမှပြောနိုင်ပါ့မလား
၊အမေတခုခုဖြစ်သွားရင်ဆိုသောအတွေးများကကျနော်တို့ ကိုနှိပ်စက် ပူပန်စေတော့သည်။
တစ်နာရီကျော်သွားသော်လည်းအမေကသတိမလည်လာသေး။ကျနော်ပို၍
စိုးရိပ်ပြီးအမေ့လက်ကိုကိုင်ပြီးမျက်နှာအပ်ထားမိသည်ဘာမှလည်းမမြင်တော့
“ဟော...သတိရလာပြီ....အမေသတိရလာပြီ...”
ကျနော်ဆရာဝန်ကိုပြေးခေါ်လို့ ရောက်လာတော့ဆရာဝန်ကြီးကလါရောက်
စမ်းသပ်ပြန်၏နောက်ကျနော့ ကိုခေါင်းကိုပုတ်ပြီး
"ကောင်လေးပူမနေနဲ. မင်းအမေကစိတ်ချရပါပြီး
ဒီကောင်တော်တော်....သူ.အမေကိုချစ်တဲ့အကောင်ဘဲ...".
ဒီစကးသံကကျနော့ကိုမျက်ရည်တွေကျလာစေသည်။
မမကပြုံးပြီးမျက်ရေတွေနဲ.ကျနော့်ဖက်ထားသည်။
ကျနော်ငိုသံနှင့်ဆရာကြီးကိုပြန်ပြောလိုက်သည်က
“ချစ်တာပေါ့ ..ကျနော်တို့အမေ..ဘဲဟာ....”
“ချစ်တာပေါ့ ..ကျနော်တို့အမေ..ဘဲဟာ....”
“ချစ်တာပေါ့ ..ကျနော်တို့အမေ..ဘဲဟာ....”
.
................................................................................
................................................................................
တတိုင်းမွှေး။ ။
ဆက်လက်ကြိုးစားပါဦးမည်...နော်...
No comments:
Post a Comment