ဘ၀ကိုမြင်မိခြင်း ( ဘ၀အမြင်)

“
 ရထားလြာ့ပီ.....ဦးမောင် ”

“ လာပလေစေ..ပေါ့ဟ..သူကလာရမှာဘဲ ”

ဘူတာထဲကလူတွေကလှုပ်လှုပ်ရွရွ။ အချို့ကအထုတ်တွေသယ်ကြထမ်းကြနှင့်

ကပ္ပိယကြီးကတော့မျက်လုံးမှိတ်ပြီးခုံတန်းပေါ်မှာမှိန်းနေတုန်း။

`` ဦးမောင်..သူများတွေရထားလာရင်တက်မလို့အသင့်လုပ်နေကြပြီဗျ ´´

`` ငတ ...မင်းကသိသာနေတယ်ဟ ရထားတခါမှမစီးဘူးတာ..´´

`` အာ....ဗျာ ဦးမောင်ကလည်း အသလွတ်ဖဲ့နေပြန်ပြီ ´´

`` မင်းကိုပြောပြထားမယ်..ရထားကလာမယ်..ဘူတာရောက်ရင် ရပ်မယ်

ဒါပေမဲ့မင်းသိထားဘို့က...ဘယ်မှာဘဲဖြစ်ဖြစ်..ဆင်းမည့်သူရှိမှ နေရာလွတ်မှ

တက်ချင်တဲ့သူကတက်လို့ရမှာ....မှတ်ထား...´´

`` အင်းပေါ့လေ..ဦးမောင်ကလူကြီးကိုး ´´

ကျနော်ကမကျေမချမ်းပြောရင်း..

ဘူတာထဲကလူတွေကိုဆက်ပြီးငေးကြည့်နေမိသည်။

ဦးမောင်ကတော့ကွမ်းဝါးနေရင်းမှိန်းနေတုန်းပင်။

ရထားကြီးကတော့ဘူတာထဲဝင်လာ ပြီးရပ်သွားသည်။အော်ခေါ်သံများ

ထူးသံများ နှုတ်ဆက်သံများဈေးသည်တို့၏ဈေးခေါ် 

သံများဖြင့်ဘူတာတစ်ခုလုံးပွက်လောရိုက်နေသည်။

ရထားအဆင်းတက်ပေါက်သေးသေးလေးမှာတော့ တိုးတက်နေသောသူများနှင့်

တိုးဆင်းနေကြသောသူများအော်ဟစ်ရင်း ရန်ဖြစ်ရင်း 

တက်နေဆင်းနေကြသည်။တချို့ကရထား ပြတင်းပေါက်မှပင်

တိုးဝှေ့ခုန်တက်ကြသလို...တချို့ကလည်းပြတင်းပေါက်မှပင်တိုး ဝှေ့ခုန်ချကြသည်။

ကျနော့ကပ္ပိယကြီး ကတော့...တုတ်တုတ်မှမလှုပ်သေး။

`` ဦးမောင်..မတက်သေးဘူးလား ဗျ..ရထားထွက်သွားဦးမယ် ´´

ကျနော်မကျေမချမ်းနှင့်လောလိုက်မှဦးမောင်ကထလိုက်ပြီးဘေးနားက သင်္ကန်းဖြင့်

ချုပ်ထားသောလွယ်အိတ်ကြီးကိုစလွယ်သိုင်းလွယ်လိုက်ရင်း


`` ငတ ရာမင်းကြည့်နေ ငါတို့ရထားပေါ်ရောက်ပြီးတာတောင်မှ..ဒီရထားက

ထွက်ဦးမှာမဟုတ်ဘူးဟိုမှာတွေ့လားအတင်းဘဲတိုးပြီးတက်နေတဲ့သူတွေလေ

..တချို့ဆိုမပါသွားမှာကြောက်လို့ပြတင်းပေါက်ကတောင် တွယ်ပြီးလိုက်နေကြတာ.

..ဟောဟိုမှာ...အတင်းဘဲတိုးဆင်းနေကြတဲ့သူတွေ.. 

.ဒီခရီးကိုသူတို့မလိုက်ချင်တော့ဘူး..

ပါသွားမှာကြောက်လွန်းလို့ပြတင်းပေါက်ကတောင်ခုန်ချနေကြတာ

  ကျိုးမှာ ပဲ့မှာ သေမှာတောင်မကြောက်ဘူး ´´

``ဦးမောင်...ရော့လက်မှတ်..ကျနော်မကြည့်တတ်ဘူး ´´

``ငါကြည့်ပြီးပါပြီဟာ....တွဲသုံး ခုံနံပါတ်က ငါးနဲ့ခြောက်မှတ်ထားပြီးသား...လာ ခဲ့ ´´

ကျနော်ဦးမောင်နောက်မှ ခပ်ကုတ်ကုတ်ကလေးလိုက်ခဲ့သည်။ကျနော်တို့ရထား

တွဲအ၀ရောက်တော့တက်သူဆင်းသူတော်တော်လေးနည်းနေပေပြီ.တိုးဝှေ့စရာမလိုဘဲ

အေးအေးလူလူတက်လါရသည်။ ရထားပေါ်မှာတော့လူတော်တော်များသည်။

ခုံတန်းတွေပေါ်မှာသာမက အလယ်လူသွားလမ်းပေါ်မှာတောင်ပြည့်နေကြသည်။

အချို့ကတော့မိမိတို့ပါလာတဲ့ အထုပ်အပိုးအိပ်သေတ္တာစသည်ပေါ်မှာထိုင်နေကြပြီး

တချို့ကတော့မြွေခွန်အိပ်သတင်းစာအဟောင်းစသည်တို့ကိုခင်းပြီးထိုင်နေကြသည်။

`` လမ်းကလေးနဲနဲလောက်ပါ ဗျာ..ရှေ.ဆက်သွားမလို့ ´´

ဦးမောင်ကတော့ရှေ.မှနေ၍ လမ်းပေါ်မှာ လမ်းသွားဖို့ကိုခွင့်တောင်းရင်းရှေ.ကသွားနေလို့

ကျနော်လည်း သူခြေချရာအတိုင်းနောက်မှလိုက် ခဲ့ရသည်။

ခုံနံပါတ်ငါးနဲ့ခြောက်မှာလူနှစ်ယောက်

ထိုင်နေသည်ကိုတွေ့ရသည်။ ဦးမောင်ကဘဲ...

`` ညီလေးတို့....ဒါကအကိုတို့နေရာကွဲ့ ´´

`` ဘယ်မှာလည်းဦးတို့လက်မှတ်......´

`` ဟေ. ငတ လက်မှတ်ပြလိုက်ကွာ...တွဲသုံး ခုံနံပါတ် ငါးနဲ့ခြောက်လို့

.ညီလေးတို့လက်မှတ်လေးလည်းပြပါဦး......´´

`` ဟုတ်ကဲ့ ရပါတယ်..ကျနော်တို့ကလွတ်နေလို့..၀င်ထိုင်လိုက်တာပါ ´`

ထိုသူနှစ်ယောက်ထပြီးထွက်သွားမှ.. ကျနော်တို့နှစ်ယောက်ဝင်ထိုင်လိုက်သည်။

`` လူတွေများနေရာလွတ်တယ်ဆိုတာနဲ့သူ့ ဟာလိုလိုဘာလိုလိုနဲ့ခပ်တည်တည်ထိုင်နေတာဘဲ´´

``ဟုတ်ပတော် စောစောတုန်းကကျုပ်တောင်းကလေးခဏတောင်းပြီး တင်တာတောင်မရဘူး´´

ဘေးနား မှ မိန်းမကြီးတစ်ယောက်က အခုမှပြောရဲတာထင်တယ်.ဦးမောင်ကိုဝင်ပြီး ထောက်ခံ

လိုက်သည်။ကျနော်တို့ရှေ့မျက်နှာချင်းဆိုင်မှာတော့ အသက်ငါးဆယ်ကျော် လူကြီးတစ်ဦး

နှင့်ကောင်မလေးတစ်ယောက် ။ရထားကတော့မထွက်သေးပေ။

`` ဦးမောင်ပြောတာ မှန်သားဘဲ ရထားကခုထိမထွက်သေးဘူး..´´

`` ဟ..မင်းကသူများလုပ်ရင်လိုက်လုပ်ချင်တာဘဲသိတယ်..

အခြေအနေအချိန်အခါကိုမစဉ်စားဘူးပါတ်ဝန်းကျင်ကိုမလေ့လာဘူး 

 မင်းဟိုး.....မှာကြည်ု ရန်ကုန်ဘက်ကလာမည့်ရထားကို အလံချိုး

ထားတာတွေ့လား....ရန်ကုန်ကလာတဲ့ရထားဝင်လာပြီးမှ ဒီရထားကထွက်မှာ..

.လမ်းကြောင်းတစ်ခုတည်းမှာဘယ်တော့မှထိပ်တိုက်သွားလို့မရဘူး.. 

ငါကသိလို့အေးအေးဆေးဆေးတက်လာတာ...´´

``ဦးမောင်...ဆရာတော်ကပြောထားတယ်...ငယ်တဲ့သူက ကြီးတဲ့သူရဲ့အထက်မှာမနေရဘူးတဲ့

ဟိုမှာထိုင်နေကြတာ....အဖိုးကြီး အဖွားကြီးတွေလည်းပါတယ်ဗျ....ကျုပ်တို.ငရဲကြီးမလား...´´

`` ဟာ..ငတ..မင်းကိုထူလွန်းလို့ အူတူတူအတတမို့ဆရာတော်က ငတလို့ခေါ်တာဟ...

မှတ်ထား တချို့ကိစ္စတွေက ဘာသာရေးနဲ့လူမှုရေးရောလို့မရဘူးလေ..

.မြင်တိုင်းလည်း မကြည့်ရသလို..သိတိုင်းလည်းမပြောရဘူး.. 

မင်းပြောမှဘဲ..ငါပါဟိူအောက်ဆင်းထိုင်ရမလိုဖြစ်နေပြီ...´´

`` ကျုပ်က...ကပ္ပိယ ကြီး.ကိုမသိလို့မေးတာ...ပါ´´

လူတွေလှုပ်လှုပ်ရွရွအသံကြောင့်ပြတင်းပေါက်ကလှမ်းကြည့်လိုက်တော့ ရှေ့ကရထား

တစ်စီး ၀င်လာတယ်..ရေသည်တွေမုန့်သယ်တွေထမင်းသည်တွေကလည်း

ဟိုဘက်ရထားကြီးဆီကိုပြေးပြီအော်ဟစ်ရောင်းနေကြပါတယ် ....။

`` ငါ့တူရေ ခဏလောက်နော်.....´´

မိန်းမကြီးတစ်ယောက် ပြောပြောဆိုဆိုပြတင်းပေါက်ဖက်ကိုဝင်တိုးပြီး ခေါင်းပြူထွက်ခါ..

`` ဟေ့ ကောက်ညှင်းထုတ်သည် ကောင်မလေးလာဦး..´

ကျနော်လှမ်းကြည့်လိုက်တော့ကောက်ညှင်းထုတ်သည် ကောင်မလေး တစ်ယောက်

ဟိုဖက်ရထားကိုရောင်းနေရာမှခေါ်သံကြောင့်ပြေးလာသည်။

`` ယူပါ အဒေါ် တစ်တွဲသုံးရာပါ ...ကြီးလည်းကြီးပါတယ် ကိုယ်တိုင်ထုတ်ရောင်းတာပါ ´´

`` ဟယ်..နင့်ဟာကသေးတယ်... နှစ်ရာရရင်ယူမယ်..မရရင်လည်းနေ ´´

`` ယူလိုက်ပါအဒေါ်..ဘယ်နှစ်တွဲလည်း ..ဈေးဦးပေါက်ပေါ့ ´´

`` တစ်တွဲတော်ပါပြီအေ နင့်ဟာက ကျက်ရဲ့လားမကျက်ရင်မယူဘူးနော်..´´

``ကျက်ပါတယ် နော် မယုံရင်ဖြည်ကြည့်ပါ ´´

ကောင်မလေးကပြောပြောဆိုဆို ကောက်ညှင်းထုတ်တစ်တွဲကမ်းပေးလိုက်သည်။

`` အမကြီးရေ ရေသည်တွေ့ရင် တစ်ချက်ခေါ်ပေးပါ ရေတစ်ပုလင်းလောက် ထည်.ချင်လို့ ´´

အလယ်လူသွားလမ်းကလူတစ်ယောက်ကပုလင်းတစ်လုံးကိုကိုင်ပြီးပြောလိုက်တော့..

`` ဟဲ့ ရေသည် ဟေ့ရေသည်လာဦး... မောင်လေးပုလင်းပေး လေ ´´

မိန်းမကြီးက ရေသည်ခေါ်ရင်း အနောက်သို့ လှည့်ပြီးပုလင်းကိုလက်ကမ်းလိုက်သည်။

တဆက်တည်းသူ့ထိုင်ခုံဘက်သို့ လှည့်၍

`` သမီးကြီး အမေတို့ ရေပုလင်းပါပေးပါဦး မေ့နေတာ.. ´´

သူ့သမီးဖြစ်ဟန်တူသူကလည်းရေပုလင်းတစ်လုံးကိုယူပြီးရောက်လာသည်။

`` အော်...အကိုကြီး မရိုမသေတချက်လောက်နော်...´´

ပြောပြောဆိုဆိုသူ့လက်ထဲမှကောက်ညင်းထုတ်ကို .ကပ္ပိယ ကြီးကိုထိုးပေးထားလိုက်သည်။

ထိုမိန်းမကြီးကရေသည် လေးရဲ့ ရွက်ထားသော ရေအိုး ပေါ်က ရေခွက် ကိုယူလိုက်တော့

ရေသည်လေးကအဖုံးလုပ်ထားသောပန်ကန်ပြားလေးကို ဖွင့်ပေးလိုက်သည်။မိန်းမကြီးက

ရေခွက်နဲ့ပုလင်းထဲသို့ ဖိတ်တ၀က်စင်တ၀က်နဲ့ ခပ်ထည့်နေရင်း..

`` ဟဲ.ကောင်မလေး ရေဘိုးကဘယ်လောက်လည်း ´´

`` စေတနာရှိသလောက်ပေးပါအဒေါ် ..´´

`` အေးအေး ခဏလေး... ရော့မောင်လေးရေပုလင်း ရေဘိုးက စေတနာရှိသလောက်တဲ့ ´´

ပြီးတော့ သူ့သမီးကမ်းပေးသောရေပုလင်းထဲသို့ရေဖြည့်နေပါသည်။

``ရော့အဒေါ်ရေဘိုးပေးလိုက်ပါ ``

စောစောကရေ၀ယ်ခိုင်းတဲ့လူက ငါးဆယ်တန်တစ်ရွက်ကမ်းပေးတုန်းရထားက သိမ့် 

ကနဲလှုပ်သွားသည်။

`` အဒေါ်ကောက်ညှင်းထုတ်ဝယ်မှာလား ရထားထွက်တော့မယ်..´´

`` အေးအေးယူလိုက်တော့မယ်...ဟဲ့ကောင်မလေး ရော့ရေဘိုး ´´

မိန်းမကြီးကငါးဆယ်တန်ကိုရေသည်ကိုကမ်းပေးလိုက်သည်။ရထားကြီးကစတင်ပြီးထွက်နေပေပြီ...

`` သမီးကြီး ငါ့ပိုက်ဆံအိပ်ပေး စမ်း ´´

အောက်ကကောက်ညှင်းထုတ်သည်လေးက သူ့ကောက်ညှင်းထုတ်ဘမ်းကိုရေသည်

ကိုပေးပြီး ရထားဘေးကလူလွတ်ပြေးလိုက်လာသည်။မိန်းမကြီးကပိုက်ဆံအိပ်ကိုဖွင့်ပြီး

ပိုက်ဆံတွေကို ဖြဲပြီးရှာနေသည်။ကျနော်မြင်ရသလောက်ကတော့တစ် ထောင်တန်တွေ

ချည်းဘဲ။ကျနော်မဆီမဆိုင်မုန့်သည်လေးအတွက်စိတ်ပူနေမိသည်။

သူ့ခမြာရိုးရိုးတန်းတန်းပြေးလိုက်ရသည် မဟုတ်လမ်းတစ်လျှောက်ကလူတွေကိုလည်းရှောင်ပြီးပြေး

လိုက်နေရရှာသည်။ မိန်းမကြီးကတော့ တစ်ထောင်တန်ကိုတော့ပစ်ချပေးမည့်ပုံမပေါ်။

`` ကျောင်းအမကြီး နှစ်ရာ ဟုတ်လား ကျုပ်စိုက်ထားပေးလိုက်ပါ့မည် ´´

ပြောပြောဆိုဆို ..ကပ္ပိယ ကြီးက နှစ်ရာတန်တစ်ရွက်ကိုဈေးသည်လေးဆီသို့ပစ်ချပေးလိုက်သည်။

``တော်သေးတယ် သူ့ယောက်ကျားကြီးကပစ်ချပေးလိုက်လို့ ´´

တွဲအောက်ကဈေးသည်လေးရဲ့ ၀မ်းသာအားရအော်သံက လူတွေကို ပြုံးစိစိဖြစ်သွားစေတယ်။

`` ရော့ကျောင်းအမ....ခင်ဗျားကောက်ညှင်းထုတ်..´´

`` ရှင့်မှာ အကြွေရှိရင်အမ်းလိုက်လေ...ရော့ ´´

`` ရှိပဗျာ...သိပ်ရှိ ကျုပ်ကခရီးသွားရင် 

 ကိုယ်သွားမည့်ခရီးမှာလိုမယ်ထင်တာတွေအကုန်လုံးတွက်ချက်ပြီးယူသွားရတာဒါမှ

 လမ်းမှာအခက်အခဲနဲမှာ ဒါတောင်လိုအပ်တာတွေတွေ့ရသေးတာ´´

ကပ္ပိယ ကြီးကထောင်တန်ကိုအမ်းပြီးယူလိုက်မှ ထိုမိန်းမကြီးလည်း

သူ့နေရာမှာသွားပြန်ထိုင်လို့ကျနော်လည်းလွပ်လွပ်လပ်လပ်ထိုင်လို့ရသွားသည်။

`` အော်လူတွေ လူတွေ တော်တော်မလွယ်ပါလား ´´

``ဘာကိုပြောတာလည်း ကပ္ပိယကြီး ရ ´´

`` ခုနက မိန်းမကြီးလေကွာ  

သူများကို ကူညီသလိုလိုနဲ့ သူ့အတွက်အမြတ်ထုတ်သွားတာလေ

ဒါကြောင့်မို့

 ကူညီမယ်ဆိုတိုင်းလည်းအရမ်းကာရောလက်မခံသင့်ဘူး ကိုယ်ရမဲ့အကူအညီပေါ်

မှာဘာတွေပြန်ယူသွားမလည်း တွက်ရမှာ 

 အခုမိန်းမကြီးကတော့ရေတစ်ပုလင်းမြတ်သွားတယ်´´

ရထားကတော့အရှိန်နဲ့ ခုတ်မောင်းနေဆဲပင် ကျနော်

ကတော့ပြတင်းပေါက်မှတဆင့်ပြင်ပရှုခင်း တွေကိုလိုက်လံငေးမောနေမိသည်။

`` ငတ...မင်းအိပ်ကိုအပေါ်ကစင်မှာတင်ထားလိုက်ပါလား ´´

ကျနော်မော့ကြည်.လိုက်တော့ အထုတ်တွေအိပ်တွေကအပြည့် ။ ကျနော်အထုတ်တစ်ထုတ်က

စာကိုစိတ်ဝင်စားမိသွားသည်။

ကပ်ထူပုံးတခုကိုလွယ်လို့ရအောင်ထင်သည်လုံချည်တစ်ထည်နှင့်ထပ်သိုင်းချည်ထားသည်။

ဒါကြောင့်ရေးထားတဲ့စာကို အကုန်မမြင်ရပေ မြင်ရသလောက်ကတော့

ဘ၀

နိဗ္ဗာန်

အောက်

မဖိရ

အဲဒါကိုဖတ်မိပြီး ကျနော်စိတ်ဝင်စားသွားမိသည်။မနေနိုင်တော့၍ ကပ္ပိယ ကြီးအားလက်တို့ပြီး

`` အဲဒါကဘာကိုပြောတာလည်း..ဟင် ´´

ကပ္ပိယ ကြီးကသေသေချာချာ ဖတ်ကြည့်ပြီးတော်တော်လေးစဉ်းစားလိုက်သည်ပြီးမှ..

`` တော်တော်အဆင့်မြင့်တဲ့စာကွ ..တယောက်ယောက်က မှီသလောက်ကူးလာတာဟ ´´

ကျနော်တို့ရှေ့ကလူကြီးကလည်းစိတ်ဝင်စားသွားသည်ထင်တယ် အပေါ်ကိုလိုက်ဖတ်ကြည့်တယ်

ဘာမှတော့မပြောပေ။

`` ဘ၀ နိဗ္ဗာန်မဟုတ်ဘူးကွ ဘ၀ ကသက်သက် နိဗ္ဗာန်ကသက်သက်တစ်ကြောင်းစီ

ဘ၀ ဆိုတာကမွေးဖွားခြင်းသေဆုံးခြင်းဆိုတဲ့ကြားကနေထိုင်မှုအခြေအနေဘဲလေ 

ချမ်းသာမယ်ဆင်းရဲမယ်ပျော်ရွှင်မယ်ဝမ်းနည်းမယ်ပင်ပန်းမယ် 

သက်သာမယ်ပညာရှိမယ် ပညာနိမ့်မယ်စသဖြင့်

ရှေးဘ၀ကုသိုလ်အရနေထိုင်ပြီးလောကဓံတရားအရပြောင်းလဲနေကြရတာလေ...´´

ကပ္ပိယ ကြီးစကားကိုရှေ့ကလူကြီးကခေါင်းတငြိမ့်ငြိမ့်နှင့်ထောက်ခံလိုက်သည်။ဆက်ပြီးတော့

``အဲ...နိဗ္ဗာန်ဆိုတာကတော့ အဲဒါတွေတစ်ခုမှမရှိတဲ့နေရာ အဲဒါတွေချုပ်ငြိမ်းတဲ့နေရာပေါ့

  အဲဒါကိုတွဲပြီးအသိတရားရအောင် ရေးထားတာနေမှာ.

.ပြီးတော.....(အောက် ) ကိုတစ်ကြောင်းသက်သက်ရေး

ထားတာကတော့ 

 ကိုယ့်ထက်နိမ့်ကျသော ဆင်းရဲသော အသိပညာနဲသောသူတွေကို  

နိဗ္ဗာန် ရောက်ချင်သူတွေက  

မဖိရဘူး မနှိပ်ကွပ်ရဘူးအမြတ်မထုတ်ရဘူးလို့  

ဆိုထားတယ်ထင်တာဘဲကွာ....

ဘ၀ဆိုတာက သံသရာထဲမှာ ဒီရထားကြီးသွားသလိုသွားနေတာလေ

တက်သူတက် ဆင်းသူဆင်းနဲ့ဒီပေါ်မှာ

ခဏလေး ဆုံကြ၇တာလေ.......အမြင်တူတာလည်းရှိမယ်မတူတာလည်းရှိမယ်

ပေါင်းလို့ရတာလည်းရှိမယ်မရတာလည်းရှိမယ် ဒါပေမဲ့ခဏလေးပါ

သူလည်းဆင်းရတဲ့ဘူတာရောက်ရင်ဆင်းသွားမှာဘဲ နောက်တက်

လာမည့်သူနဲ့ကောင်းရင်ပေါင်းမကောင်းရင်မပေါင်းနဲ့ပေါ့ 

ကိုယ်လည်းကိုယ့်ဘူတာကျရင်ဆင်းသွားမှာဘဲလေ....

.နော်..ဟုတ်တယ်မဟုတ်လားအကိုကြီး..´´

`` ဟုတ်ပါတယ်ကောမောင်ရာကျုပ်လည်း ရှေ့ဘူတာမှာဆင်းရမှာ မော်လမြိုင်ကလာတာလေ ´´

အဲဒီအခိုက်မှာဘဲရထားက ဘူတာတစ်ခုထဲဝင်လာပါတယ် ဆင်းမည်.ခရီးသည်တွေလည်းလှုပ်လှုပ်

ရွရွနဲ့ ကိုယ့်ပစ္စည်းထုပ်များကိုယ်စု နေပါတော့တယ်။ရှေ့ကအဖိုးကြီးက ရုတ်တစ်ရက်...

``ကပ္ပိယ ကြီးက တော်တော်လေးသဒ္ဒါ ကြေခဲ့ပုံရတယ် ပြောတာ ဆိုတာပညာပါတယ် တပည့်လေး

ကိုလည်းလောကဓါတ် တရားတွေသွန်သင်ပြသပေးနိုင်ပါပေတယ်..အားလုံးတော်ပါတယ်

ဒါပေမဲ့ ကပ္ပိယ ကြီး မှားတာတစ်ခုဘဲရှိတယ် ဗျ ..အဲဒီအပေါ်ကအထုတ်က ကျုပ်အထုပ်ဗျ ´´

ပြောပြောဆိုဆို ထိုလူကြီးကအပေါ်မှအထုပ်ကိုလှမ်းယူချလိုက်ရင်း

`` ကျုပ်ရေးထားတာကတော့ ကပ္ပိယ ကြီးပြောသလိုမဟုတ်ဘူးဗျ ဒီမှာကြည့် ´´

ဆိုပြီး ချည်ထားသောလုံချည်ကိုဖြေလိုက်ရာ............

ဘ၀င်း(ကျိုက်ထို)

နိဗ္ဗာန်ကုန်ဆိုင်တန်း

အောက်မှာ မချထားရ

မဖိရ ကွဲတတ်သည်။

လို့တွေ့လိုက်ရပါတော့သည်။

``ကျုပ်နံမည်က ဘ၀င်းပါ နိဗ္ဗာန်ကုန်တွေရောင်းပါတယ် ဘုရားပုံတော်တွေမို့ အောက် မချရလို့

ရေးတာပါ မှန်ဘောင်တွေ မို့လည်းမဖိရကွဲတတ်သည်လို့ရေးထားတာပါ ဖြစ်တတ်ပါတယ်လေ နော

လူဆိုတာ ရှေ့က ကိုယ်လုပ်သမျှပြောခဲ့သမျှ မှန်ခဲ့လေတော့နောက်ကိုလည်း

အမြဲ မှန်နေမယ်..ထင်  တတ်ကြတာလေ...

အင်း လူဆိုတာအမှားလုပ်တတ်တဲ့ သတ္တ၀ါ.ပါ  

ကဲ..ဆင်းပြီဗျို့ ´´

ထိုလူကြီးက အထုပ်ကိုလွယ်ပြီးသူ့သမီးလေးအားလက်ဆွဲပြီး တွဲပေါက်ဝသို့သွားနေသည်ကိုလိုက်

ကြည့်ရင်း ကပ္ပိယကြီးဆီမှ စကားတစ်ခွန်းကိုကျနော်ကြားလိုက်ရပါတော့သည်။

`` အင်း...ပြုံးပြပြီး ခေါင်းငြိမ့်ပြနေတိုင်းလည်း ထောက်ခံနေတာမဟုတ်ပါလား ´´


(လိုသောဆု နှင့် ပြည့်ဝကြပါစေ...)

တတိုင်းမွှေး။ ။

ကိုယ်တိုင်စိတ်ကူးခံစားပါသည်။