ညီမလေးရယ်...မညစ်နဲ့နော်

` ကိုကို...ကဗျာလေး သေချင်တယ်..´

                           

                               ဆိုင်းမပါဗုံမဆင့် ပြောလိုက်သောကဗျာလေးစကားကြောင့်ကျနော်စာရေးနေရာ

ကနေမော့ကြည့်မိလိုက်သည်။ကဗျာလေးဆိုတာကကျနော့အိမ်ခေါင်းရင်းအိမ်ကကောင်မလေး။

ကျနော့ထက်ဆယ်နှစ်လောက်ငယ်တယ်။ဆယ်တန်းကျပြီးကျောင်းထွက်ခါစတိုးဆိုင်တစ်ခုမှာအလုပ်

ဝင်နေသည်။ကျူရှင်တက်ပြီးအပြင်မှဆယ်တန်းပြန်ဖြေဖို့ကြိုးစားနေသူပင်။

 `ဘာလည်းနင့်ကောင်လေးမိန်းမယူသွားလို့လား´

 ` ကိုကိုနော်..မနောက်နဲ့ ကဗျာလေးတကယ်ညစ်နေတာ....ထမင်းတောင်မစားနိုင်ဘူးး´

 `ဟ...မဆာသေးလို့ပေါ့တကယ်ဆာလာရင်....ပြသနာထက်ဆာတာကပိုအရေးကြီးလာမှာ...´

 `မထင်ပါဘူး  ကိုကို ပြသနာပေါင်းသောင်းခြောက်ထောင်ကြားမှာစားနိုင်မယ်မထင်ဘူး..တကယ်ပါ ´

                        

                ကောင်မလေးလေသံကတကယ်ညစ်နေတာမို့ကျနော်သနားသွားမိသည်။

ကျနော်စားပွဲပေါ်ကစာရွက်တစ်ရွက်နဲ့ဘောပင်ကိုသူ့ရှေ့ကိုချပေးလိုက်သည်။

 ` ကဲ...အဲဒီမှာ ချရေးစမ်း..နင့်ပြသနာသောင်းခြောက်ထောင်..အားလုံးရေးနော်...´

 ` ကိုကို..ကဗျာလေးကိုနောက်နေတာလား..ကဗျာလေးက အကောင်းလာတိုင်ပင်တာ..နော် ´

 ` အာ...ငါမနောက်ဘူး ဟ နင့်ပြသနာတွေသိမှငါကူညီလို့ရမှာလေ....ကဲ..ငါမေးပါရစေဦး...

  ကဗျာလေးကအခုမှစိတ်ညစ်ဘူးတာလား...အရင်ကကော..ခုလိုမညစ်ဘူးဘူးလား....´

 ` ညစ်တော့ ညစ်ဘူးတာပေါ့.....အခုဟာကတမျိုး.....မတူဘူး...´

 ` ပြောပါဦးနင်နောက်ဆုံးညစ် ခဲ့ရတာတွေ.....´

  ` ဆယ်တန်းအောင်စာရင်းထွက်တုန်းက.......အောင်စာရင်းသွားကြည့်ပြီး..ကဗျာလေးကျလို့

   အိမ်ကိုပြန်လာတဲ့အချိန်...အရမ်းညစ်တာပေါ့...နောက်တစ်ခါက..အိမ်မှာဖေဖေ့ဆိုင်ကယ်ကို

  ခိုးပြီးမောင်းတာ....အုတ်ခုံနဲ့တိုက်မိပြီးရှေ့မီးလုံးနဲ့ဒူးကာကွဲသွားတာ..အင်းအဲဒီတုံးကလည်း

  

 တော်တော်ညစ်ခဲ့တာဘဲ...ကိုကို..´

   

 `အဲဒါတွေကအခုကော...ရှင်းလိုက်ပြီးပြီမဟုတ်လား...´

  

 `စာမေးပွဲကျတာကို..မေမေကနင်မှမကြိုးစားဘဲလို့ဒါဘဲပြောတယ်...ဖေဖေကတော့

  

  ထပ်ဖြေပေါ့သမီးရယ်...တဲ့..ဆိုင်ကယ်ကိစ္စ လည်းဖေဖေက တော်သေးတယ်လူဘာမှမဖြစ်လို့

  တဲ့...ဒါပေမဲ့ ကိုယ့်ကြောင့်ပျက်စီးတာ..ကိုယ်တာဝန်ယူရမယ်တဲ.့ အခုကဗျာလေး လခရတိုင်း

  တစ်လ သုံးထောင်ဖေဖေ့ကိုလျှော်ပေးနေရတုန်း ကိုကိုရဲ့...ဟိ ..´

  ` ဟော...တွေ့လား   ဟိုတချိန်က..ကဗျာလေးသေလောက်အောင်  စိတ်ညစ်ရတဲ့ ကိစ္စ

 တွေကိုကဗျာလေးအခုရယ်စရာတစ်ခုလို  ရီရီမောမောပြန်ပြောနေတယ်....အခုစိတ်ညစ်ရတဲ့

 အကြောင်းတွေကို  တစ်နေ့မှာကဗျာလေးရီရီမောမောပြောဦးမှာ....သိလား ´

                    

                               ကဗျာလေးရုတ်တရက်မျက်နှာပြန်တည်သွားသည်နောက်မှပြန်ပြုံးလာပြီး

  ` အင်း  ကိုကိုပြောတာ..ဟုတ်တယ်နော်...ပေးစာရွက်ကဗျာလေး  ရေးမယ်...´

                 

                    နောက်တော့ကဗျာလေးစာရွက်မှာထိုင်ရေးသည်တစ်ချက်တစ်ချက်မှာစဉ်းစားနေလိုက်

သေးသည် နောက်ပြန်ရေးသည်။ပြီးတော့မှကျနော့ကိုစာရွက်ကိုလှမ်းပေးလိုက်သည်။

ရေးထားတာက

  ၁။    ။ဖေဖေပင်စင်ယူလိုက်ပြီ။

 ၂။    ။  အိမ်နဲ့ခြံရောင်းလိုက်ပြီးဟိုဘက်လမ်းကတိုက်ခန်းမှာသွားနေတော့မည်။

၃။    ။ ကျူရှင်မှာအင်္ဂလိပ်စာမလိုက်နိုင်။

၎။    ။အလုပ်သွားတိုင်းကောင်လေးနှစ်ယောက်လိုက်ပြီးစကားပြောသည်။

 ၅။    ။အလုပ်ရှင်၏သားကစသလိုနောက်သလိုနှင့်ကျောပုတ်ခေါင်းပုတ်လုပ်လာသည်။

 ၆။    ။ကောင်တာမှ နှစ်သောင်းတန်နာရီပျောက်သွား၍လကုန်လျှင်လခမှဖြတ်ခံရမည်။

 ၇။   ။ဆိုင်ရှေ့အထည်ဆိုင်မှဂျင်းဘောင်းဘီတစ်ထည်တစ်သောင်းခြောက်ထောင်နှင့်

    

        အကြွေးယူထားသည်။လစာဖြတ်ခံရလျှင်မပေးနှိုင်တော့။ထိုဆိုင်ရှင်မိန်းမသည်ပါးစပ်

      

        ဆိုးသည်။အော်တောင်းလျှင်အရှက်ကွဲမည်။

   

   `...ဟင်ဒါဘဲလားကဗျာလေး...စောစောကပြောတော့ပြသနာကတစ်သောင်းခြောက်

    

    ထောင်ဆို...ခုတော့  ဆယ်ခုတောင် မပြည့်ပါလား  ကဗျာလေး....´

      

  `အဲဒါဘဲ...လေ..ကိုကိုကလည်း...နည်းလားလို့ ကဗျာစိတ်ညစ်နေတာတွေ ´

  

` ကဲပါ..ကိုကိုပြောပြမယ်ရှင်းရမှာကတော့...ကဗျာလေးဘဲ...ကိုယ့်ပြသနာကိုယ်ရှင်းပေါ့´

  

  `သိပါတယ်..ကိုကိုက မရှင်းပေးဘူးဆိုတာ...´

  

  `နားထောင်ပါဦး...ဟ ရှင်းရမည့်နည်းကိုတော့ ပြောပြပေးမှာပေါ့....

သည်မှာ..ကဗျာရေးထားတဲ.  (၁) နဲ့(၂) ကပြသနာမဟုတ်ဘူးပြသနာဆိုလည်းကဗျာလေးနဲ့

မဆိုင်ဘူးလူကြီးတွေကိစ္စ...ကိုကို သိထားသလောက်တော့ ကဗျာလေးဖေဖေက လခစားမလုပ်

ချင်တော့တာ....ဒါကြောင့်အနားယူ လိုက်တာ...ခုနေတဲ့နေရာကို..ဘဏ်တစ်ခုက၀ယ်ဖို့ကမ်း

လှမ်းထားတယ်....ဈေးလည်းကောင်း ကောင်းပေးတယ်..

သူကရောင်းပြီးဟိုဖက်လမ်းကတိုက်ခန်းမှာနေမယ်....ရတဲ.ငွေနဲ့လုပ်ငန်းနား

   

လည်နေတဲ့ ကဗျာလေးကိုအားကိုးပြီး.....ကိုယ်ပိုင်စတိုးဆိုင်ဖွင်.မယ်ထင်တယ်...´

                         

  ကဗျာလေးထခုန်ပြီး...

`  ဟုတ်လား..ကောင်းလိုက်တာ..ကောင်းလိုက်တာ ´

      

 `အင်းကိုကို့ကိုတော့အဲလိုတိုင်ပင်ဘူးတယ် ´

    `ဒါပေမဲ့ ဟိုဘက်ပြောင်းသွားရင်ကိုကို နဲ.မတွေ့ရတော့ဘူးပေါ့ ´

  

  `အောင်မယ်..ဟိုဖက်လမ်းကတော်တော်ဝေးနေတာကျနေတာဘဲ..

.နေဦး..(၃)အင်္ဂလိပ်စာမလိုက်   နိုင်တာကတော့ ဦးကိုပြောပြပြီး

မနက်ပိုင်းအင်္ဂလိပ်စာသီးသန့်ကျူရှင်ထပ်တက်ရမယ်လေ...

.နောက်  ပြီး(၄ )....ကကောင်လေးတွေလိုက်ပြီးစကားပြောတယ်ဟုတ်လား...

ကဗျာလေးကကောအဲဒီကောင်  လေးကိုကြိုက်လား...သိကောသိလား´

   `အယ်ကြိုက်ပါဘူးဆို...ကိုကိုကလည်း...ကဗျာလေးတို့ကျူရှင်ကပါ..နော်..သိပ´

   

 `ဒါဆိုရင်..ကဗျာလေးအလုပ်သွားရင်..ကိုကိုနဲ့တူတူလိုက်ခဲ့...လမ်းကကြုံနေတာ  ကိုကို ဦးတို့

   

 ကိုခွင့်တောင်းပြီးစောင့်ခေါ်သွားပေးမယ်ဟုတ်လား´

    

 ` အိုခေ ပါရှင့် ကဗျာလေးကိုကိုကတော်လိုက်တာ..နော်´

    

 `နောက်တောက်တောက်နဲ့....( ၅ ) အလုပ်ရှင်သားကအဲလိုလုပ်ရင်ကဗျာလေးဘယ်လိုတုန့်ပြန်

    

 လည်း..နေ့တိုင်းအဲလိုလုပ်လား..´             

ကဗျာလေးကမျက်မှောက်လေးကျုံ့ပြီး

  

  `နေ.တိုင်းတော့ဟုတ်ပါဘူး...သူအဖေမရှိတဲ့ အချိန်တွေမှပါ..ကဗျာလေးကသူနဲ့ဝေးရာပြေးတာဘဲ´

  

   `ဟုတ်ပြီနောက်မပြေးနဲ့......သူအဲဒီလိုလုပ်ရင်...သူမျက်နှာကိုစေ့စေ့ကြည့်ပြီး...

.မလုပ်ပါနဲ့ ကျမ မကြိုက်ဘူး...ကိုယ့်အလုပ်သမားဆိုပြီးထင်သလိုမဆက်ဆံပါနဲ့လို့

 နောက်တခါထပ်လုပ်ရင်  လူကြီးတွေကိုပြောပြီးကျမအလုပ်ကထွက်မယ်လို့သာပြောလိုက်..

.သေချာတယ်သူမလုပ်တော့ဘူး´

                            

ကဗျာလေးကမျက်နှာငယ်လေးနဲ့            

  `ဟူတ်ပါ.မလားကိုကို ´

  

 `သိပ်ဟုတ်တာပေါ့ဟ.....ယောက်ကျားလေးတွေရဲ့အားနည်းချက်က သူတို့ကြောင့် မိန်းခလေး

    

 တွေတခုခုစွန့်လွှတ်သွားမှာကိုကြောက်တာပါဘဲ...သေချာတယ်

.နောက်( ၆ ) နဲ့ ( ၇ )  ပြသနာ  ကလည်းတဆက်ထဲဘဲ.

.နေပါဦး ကဗျာလေးကိုအိမ်ကတစ်လကိုသုံးခွင့်ဘယ်လောက်ပေးလည်း´

                        

 ကဗျာလေးက လက်ကလေးနှစ်ချောင်းထောင်ပြပြီး..မျက်လုံးလေးကိုမှေးပြီး

     

  ` တူးသောင်း....လေ  တူး   သောင်း ဟင်းဟင်း  ပေါ့တေးတေးဟုတ်ဘူး  ´

    

 `ဟုတ်ပါပြီပေါ့ကြီးကြီးရယ်....ကဲပါ..ကဗျာလေးတို့ဆိုင်ရှင်ကလည်း ကိုကိုနဲခင်လို့ကဗျာလေးကိုအလုပ်

  

    ခန်ထားတာလေ...ကိုကိုလိုက်ပြီးပြောပေးမယ်တစ်လထဲ...နှစ်သောင်းမပေးဖြတ်ဘူး.

.ငါးထောင်စီခွဲဖြတ်စေမယ်ဟုတ်လား......အထည်ဆိုင်ကအဖွားကြီးက ပါးစပ်ဆိုးပေမဲ့ 

စိတ်ကကောင်းတယ်

    

  ကဗျာလေးရဲ့   သိထားဖို့က စကားကိုဟောဟောဒိုင်းဒိုင်းပြောတတ်တဲ့သူတော်တော်များများ

   

   ကသဘောကောင်းတတ်ကြတယ်...ကိုကိုကဘဲ နှစ်လခွဲဆပ်ဖို.ပြောပေးမယ်..တစ်လရှစ်ထောင်

   

  ဆပ်နော်...ကဲပြောပါမမလေး  ဘာကျန်သေးလည်း...´

   

  `တစ်ကယ်နော်...ကိုကို...အီး...ပျော်လိုက်တာ...ခုမှဘဲ....ရင်အေးသွားတယ်..´

     

 ` နေဦး..ကတိတစ်ခုတော့ပေးရမယ်..နောက်ကို ပစ္စည်းတွေကိုအကြွေးမ၀ယ်ပါဘူးလို့ .........

     

 အကြွေးဝယ်ရင်ဈေးလည်းသာမန်ထက်ကြီးတတ်သလို..ဈေးလည်းဆစ်လို့မရဘူး..

  

   ပြီးတော့..ဟိုလေ...သူများလည်းအထင်သေးတယ်...ပိုက်ဆံပေးရတာချင်းလည်း

     

  အတူတူဘဲလေ..´

    

   ကဗျာလေးကမတ်တပ်ရပ်အလေးပြုလိုက်ပြီး....ပြုံး..ဖြီး..ဖြီးနဲ့

       

`ဟုတ်ကဲ့ပါ...ကိုကို   ကဗျာလေးဂတိပေးပါတယ်....ခုတော.ကျူရှင်နီးလို.သွားပြီ..ဗျို.´

                        

                                      ပြောပြောဆိုဆို ....ခုန်ပေါက်ပြေးဆင်းသွားသောကဗျာလေးကိုကြည့်ရင်း

    

  တချိန်ကကျနော့ဆရာဆုံးမဘူးသောစကားတချို့ကိုပြန် လည်ကြားရောင်မိတော့သည်။

       

  ဟိုတချိန်က..မင်း သေလောက်အောင်  စိတ်ညစ်ရတဲ့ ကိစ္စ တွေကိုအခုချိန်မှာ

       

   ရယ်စရာတစ်ခုလို  ရီရီမောမောပြန်ပြောနေတယ်....

အခုချိန်သေလောက်အောင် စိတ်ညစ်ရတဲ့ အကြောင်းတွေကို  

တစ်နေ့မှာမင်း  ရီရီမောမောပြောနေဦးမှာပါကွာ။

                 

                                                   ဆက်လက်ကြိုးစားပါဦးမည်။

                                                                        

                                                                           တတိုင်းမွှေး။  ။