အမှားနွံ

              

 သူမ၏အသားရည်သည် ဖြူဝင်းသန့်စင်လှပေသည်။

ဖြူသောအသားပေါ်တွင်မျက်လုံး  မျက်ဆံနှင့်မျက်ခုံးတို့မှာထင်ပေါ်လွန်းပါသည်။

သွယ်လျှသောနှာတံအောက်ကအနီရောင်သန်းနေသည်.နှုတ်ခမ်းပါးပါးတစ်စုံကိုတင်းတင်းပိပိစေ့

 ထားသည်မှာမိုနာလီဇာကိုအမှတ်ရစေပါသည်။

နက်မှောင်သောကေသာကိုသပ်ရပ်ရိုးရှင်းစွာထုံးထားပြီးခါးကိုမတ်၍ပဆစ်တုတ်ထိုင်နေပုံကကျက်

သရေရှိလှပါသည်။ထက်အောက် နီညိုရောင်ကိုဝတ်ဆင်ထားပြီးလက်ကတော့ထိုးပတ်ထားသော

တဘက်နှင့်လည်ပင်းမှစိတ်ပုတီးကြောင့် သာယောဂီသူတော်စင်တဦးလို့သတ်မှတ်

လိုက်ရပါသော်လည်းအလွန်ချောမောလှပသည့်မိန်းမလှတစ်ဦးပင်။

             “ကျွန်တော့်နာမည် လင်းထက်ပါ...ဆရာတော်ကညီမဆီလွှတ်ပေးလိုက်တာပါ..ညီမက...

                 ဓါတ်ပုံရိုက်မလို.လား   ”

              “ကျွန်မ မှာတာက ဂျာနယ်တွေမဂ္ဂဇင်းတွေမှာစာရေးတဲ့သူတစ်ဦး ဦးကိုပါ  ဓါတ်ပုံဆရာကို

              မှာတာမဟုတ်ပါဘူး... အကိုက..”

               “အော်..ကျနော်ကဂျာနယ်တစ်ခု နဲ့အင်တာနက်မှာတော့စာလေးနည်းနည်းပါးပါးရေးပါတယ်”

              “အင်း ဒါကြောင့်    ဆရာတော်    လွှတ်ပေးလိုက်တာနေမှာပါ.....ထိုင်ပါအကို....”

               “ကျွန်တော်က....ခါတိုင်းလိုယောဂီတွေ  မှတ်တမ်းတင်ဓါတ်ပုံရိုက်မယ်ထင်လို့ပါ ”

              “မဟုတ်ပါဘူး  ကျွန်မတွေ့ချင်တာက…ကျွန်မရဲ့အကြောင်းကို..လူအများသိစေချင်လို့ပါ  ”

                 “ဟုတ်ကဲ့.ပြောပြ ကြည့်ပါလား    ရေးသင့်တယ်ထင်ရင်လည်းရေးပေးပါ့မယ် ”

                    “ကျွန်မရဲ့အကြောင်းကတော့       ………………………”

                  

                   ကိုမောင်မောင် သည်ကိုယ်ပိုင်ကုန်တင်ကားတစ်စီးကိုပိုင်ဆိုင်ထားပြီးမြ၀တီ သို.ပြေး

ဆွဲနေသောကားပိုင်ရှင်တစ်ဦးဖြစ်သည်။ကားသွားရာသို့အမြဲလိုက်ပါပြီးအလုပ်ကိုဂရုစိုက်လုပ်လာမှု

ကြောင့်အချိန်တိုလေးအတွင်းမှာပင်စီးပွားရေးချောင်လည်လာသည်။    မဘေဘီအမည်ရှိဘီယာ

ဆိုင်ဖွင့်ထားသောအမျိုးသမီးနှင့်အိမ်ထောင် ကျသည်မှာတစ်နှစ်ခွဲခန့်ပင် ရှိသော်လည်းသားသမီး

မထွန်းကားခဲ့ပေ။မဘေဘီကသွက်လက်လှပသောအမျိုးသမီးဖြစ်သည့်အပြင်စီးပွားရေးအကွက်မြင်

သူတစ် ဦးဖြစ်သောကြောင့်အိမ်တွင်ကုန်စုံဆိုင်တစ်ခုဖွင့်ထားလေသည်။

                 ကိုတင်မောင်ကားထွက်လျှင်မောင်တင်လေးခေါ်သော ယာဉ်မောင်းတစ်ဦးနှင်.တလှည့်

စီမောင်းပြီး  အေးဝင်းဆိုသောကားစပါယ်ရာတစ်ယောက်သာပါလေသည်။ မောင်တင်လေးသည်

ယောက်ကျားပီသသောလူငယ်တစ်ဦးဖြစ်သ လိုကိုမောင်မောင်တို့လင်မယားအားလည်းရိုသေစွာဆက်

ဆံတတ်သဖြင်. ကိုမောင်မောင်၏လူယုံတစ်ဦးပင်ဖြစ်လာသည်။မောင်တင်လေးတွင် အေးငယ်အမည်

ရှိအလွန်လှပသောချစ်သူတစ်ယောက်ရှိပြီး ချစ်သူနှင့်တင့်တင့်တယ်တယ်လက်ထပ် နိုင်ရန်ငွေကြေးရ

သလောက်စုဆောင်းနေသောလူငယ်တစ်ဦးဖြစ်ပါသည်။

                 တနေ.တွင်မြ၀တီမြို.တွင်ကုန်စောင်.နေသောကိုမောင်မောင်ကိုအတူစောင့်နေသော

အခြားကားပိုင်ရှင်များကတဖက်ကမ်းမဲဆောက်မြို.သို.သွားလည်ရန်ခေါ်သဖြင့်ကိုမောင်မောင်မှာ

ပါသွားခဲ့သည်။ယင်းနောက်ကိုမောင်မောင်မှာမဲဆောက်မြို့ကနိုက်ကလပ်တွေရဲ.ပျော်စရာကောင်း

သောအပြုစုများတွင်သာယာနေမိတော့သည်။မြ၀တီသို.ရောက်သည်နှင့်ကုန်ရှာရန်အလုပ်ကိစ္စ

 

္စတွေကိုမောင်တင်လေးနှင့်သာလွှဲထားပြီးတဖက်ကမ်းသို့သွားနေလေတော့သည်။နောက်ပိုင်းတွင်

 အလုပ်ကိစ္စအကြောင်းပြပြီးအိမ်သို့ပင်ပုံမှန်မပြန်ဖြစ်တော့ မောင်တင်လေးကိုပင်ကားမောင်း

စေပြီးပြန်လွှတ်လေ့ရှိသည်။

                        ကားမှာကုန်ချပြီးညဘက်တွင်ကိုမောင်မောင်အိမ်၌ညသိပ်ရပြီးပြန်တက်ရန်

အတွက်မောင်တင်လေးတို.နှစ်ဦးမှပြင်ဆင်မွန်းမံမှုများပြန်လုပ်ရလေ့ရှိပါသည်။တစ်နေ့မောင်

တင်လေးကားဝင်လာရာနောက်ကျ၍ကိုမောင်မောင်ဇနီးမဘေဘီမှ မောင်တင်လေးတို့အားအိမ်၌

ပင်အိပ်စေသည်။

                     စပါယ်ရာမောင်အေးဝင်းမှာအိမ်နှင်.နီးသဖြင်.အိမ်ပြန်အိပ်ရာမောင်တင်လေးတစ်ဦး

သာအိမ်တွင်အိပ်ဖြစ်သည်။ကိုမောင်မောင်ကတော့သင့်တော်သည်မသင့်တော်သည်မတွေးစိတ်

ပျော်ရာမဲဆောက်တွင်သာအနေများပြီးအိမ်သို့ တခါတရံမှသာပြန်လာဖြစ်သည်။

               ဤသို့နှင့်တစ်ခုသောညတွင်ဘယ်သူကဘယ်လိုစမိသည်မသိ မောင်တင်လေးနှင့်မဘေဘီ

တို့မှားယွင်းမိကြသည်။နှစ်ဦးလုံးပင်အမှားအတွက်နောင်တရမိကြသည်။ထပ်မံမမှားရန်ထိမ်းသိမ်းနေထိုင်

ကြသော် လည်းမောင်တင်လေးမှာမိမိအလုပ်ရှင်   အပေါ်ကြီးလေးသောအပြစ်ကိုကျူးလွန်မိလေခြင်း

ဟုနောင်တရလိပ်ပြာမလုံသဖြင့်  အလုပ်မှထွက်ပြီးအခြားကားတွင်ယာဉ်နောက်လိုက်သွားပြန်လုပ်နေ

တော့သည်။

                        ကိုမောင်မောင်နောက် ထပ်ခေါ်ထားသောယာဉ်မောင်းမှာရိုးသားမှုမရှိသောကြောင့်

ရသင့်သလောက်မရ၍စီးပွားတဖြေးဖြေးကျလာလေသည်။တစ်ရက်တွင်တော့ကိုမောင်မောင်တို့၏

ကားကိုလမ်းတွင်တာဝန်ရှိသူများကစစ်ဆေးရာဥပဒေနှင်.မလွတ်ကင်းသောကုန်များဖမ်းမိသဖြင့်

ကားပါသိမ်းဆည်းခြင်းခံရလေသည်။  ကိုမောင်မောင်လည်းဝင်ငွေမရှိ၍အိမ်တွင်ပြန်နားနေရလေပြီ။

                                မောင်တင်လေးမှာမကြာမီသူ၏ချစ်သူအေးငယ်နှင့်လက်ထပ်လိုက်လေသည်။

အေးငယ်မှာလှပပြီးလိမ်မာသောဘွဲ့ရပ ညာတတ်တစ်ယောက်ပင်ဖြစ်ပြီးဘဏ်တခုတွင်စာရင်းကိုင်လုပ်

နေသူတစ်ယောက်ဖြစ်ပါသည်။အိမ်ထောင်သက်ခြောက်လခန်.အထိပျော်ရွှင်သောချစ်အိပ်မက်လေး

များမက်နေချိန်။တမနက်မှာတော.ယခင်အုံနာဟောင်းကိုမောင်မောင်တစ်ယောက်ဆုံးသွားကြောင်း

သတင်းကြား၍ကိုမောင်မောင်အိမ်သို့လာခဲ့ရာ အသုဘအိမ်တွင်လူမရှိသလောက်ဧည့်သည်တစ်ယောက်

စနှစ်ယောက်စသာတွေ့ရှိရလေသည်။အသုဘကတော့ဆေးရုံမှပင်ချပြီးကြောင်းသိရသည်။

                    “ဘာရောဂါနဲ.ဆုံးတာလည်းအမ...ကျနော်ထွက်သွားတုန်းကကျန်းကျန်းမာမာကြီး”

                  “ဘာရောဂါရမှာလည်း..မောင်တင်လေး   လေးလုံးနဲ.လေ H.I.V ပေါ့ သူကြီးဘဲသွားရမှာ

                   မဟုတ်ပါဘူး  မမလည်းသူ့နောက်လိုက်ရမှာလေ...မမမှာလည်းခုရောဂါရနေပြီ...”

                  “ဟုတ်ရဲ့လားမမ ရယ်  ဘယ်သူပြောတာလည်း”

                 “သူ့မှာရောဂါတွေ့လို့မမ ကိုပါစစ်ကြည့်တာလေ....ရောဂါရှိနေပြီတဲ့ ”

                   မောင်တင်လေးသည်စိတ်ခြောက်ခြားစွာနဲ့ပြန် ခဲ့ပေမယ့်ပြန်ခါနီးတွင်မဘေဘီပြော

               လိုက်သော “မင်းလည်းသွေးလေးဘာလေးစစ်ကြည့်ရင်ကောင်းမယ်ထင်တယ် ”

               ဒီအသံကသူ့နားတွင်မိုးကြိုးသံလိုဆူညံနေသည်။

                                      နောက်ရက်များတွင်မောင်တင်လေးတစ်ယောက်တမှိုင်မှ်ုင်ဖြစ်နေပြီး

 ဗိုက်အောင့်နေသည်ဆိုကာကားမောင်းလည်းမထွက်၊တစ်နေ့အေးငယ်အလုပ်မှပြန်လာတော့

မောင်တင်လေးကိုသတင်းတစ်ခုပြောသည်။သူမမှာကိုယ်ဝန်ရှိနေသည်တဲ့မောင်တင်လေးမှအေး

ငယ်၏မျက်နှာကိုစူးစူးဝါးဝါးကြည့်ပီးအပြင်သို့ထွက်သွားလေသည်။အေးငယ်တစ်ယောက်နားမ

လည်နိုင်ဘဲရောင်ချာချာနှင့်ကျန်ရစ်ခဲ့လေသည်။

              ညဘက်မှမောင်တင်လေးပြန်ရောက်လာသည်။လက်ထဲမှာပုလင်းလေးတစ်လုံးပါလာသည်။

            ညီမကိုယ်ဝန်ရှိတယ်ဆိုလို့ရွာကအဒေါ် ဆီမှာရိုးရာကိုယ်ဝန်ဆောင်အားဆေးသွားတောင်းလာတာ

             အ၀င်တော့နဲနဲဆိုးတယ်....မနက်တစ်ခွက်ညတစ်ခွက်ဘဲသောက်ရတယ်...သုံးရက်ဘဲသောက်တဲ့ ”

          ဒီလိုဆိုတော့လည်းမိမိ   အထင်လွဲမိသည်ကို အေးငယ်စိတ်မကောင်း။ဆေးကတော်တော် အ၀င်

            ဆိုးသည် သောက်လိုက်လျှင်လည်ချောင်း တစ်ခုလုံးမီးစနှင့်ထိုးလိုက်သလိုပူဆင်းသွားသည်။

                        သို့သော်အနားတွင်ဆေးကိုကိုယ်တိုင် တိုက်နေသောခင်ပွန်းသည် မျက်နှာနှင့်မမြင်

          ရသေးသောရင်သွေးလေးအတွက်ဆိုသောအသိကြောင့်ကြိတ်မှိတ်သောက်ဖြစ်သွားသည်။ဆေးနှစ်

         ရက်သောက်အပြီးနောက်တစ်နေ.မှာအေးငယ်သွေးတွေအရမ်းဆင်းလာသည်။နားလည်သူများကို

           မေးကြည့်မှကိုယ်ဝန်ပျက်ကျမှန်းသိ၍ဆေးခန်းသွားပြရသည်။ပြန်လာတော့အိပ်ခန်းအတွင်း

           မှာထိုင်ငိုနေသောခင်ပွန်းသည်ကိုတွေ့ရ၍တော်တော်လေးအံ့သြသွားမိသည်။

          “အကိုဘာလို့ငိုနေတာလည်း..ညီမရင်တွေတုန်လိုက်တာ...”

          “ညီမ ကိုယ်ဝန်ပျက်ကျသွားပြီမဟုတ်လား....အဲဒါဘာကြောင့်လဲသိလား...”

         “အကိုသိနေတယ်....ဟုတ်လား..ညီမဘာမှားသွားလို့လဲအကို..”

          “ညီမဘာမှမမှားပါဘူး...အကိုမှားတာပါ....ညီမကိုယ်ဝန်ပျက်ကျတာအကို.ကြောင့်ပါ....အကို

           တိုက်တဲ.ဆေးတွေသောက်လို.ညီမကိုယ်ဝန်ပျက်ကျတာပါ......အကို့ကိုခွင်.မလွတ်ပါနဲ့

            အကိုတို.ရဲ.ရင်သွေးလေးကို...အကိုကိုယ်တိုင်ဘဲသတ်လိုက်တာပါကွာ..ညီမကိုလည်း

           အကိုဘဲသတ်မှာပါ...အကို.ကိုခွင်.မလွှတ်ပါနဲ့...အကို့ကိုကြိုက်သလိုအပြစ်ပေးပါ..”

           မောင်တင်လေးသည်ပြောပြောဆိုဆိုအေးငယ်၏ခြေသလုံးကိုဖက်၍ငိုပါတော.သည်း။

             “ဟာ...အကိုကလည်းညီမကိုငရဲပေးနေပြန်ပြီ..ညီမကိုယ်ကလည်းမသန့်ဘူးအကို”

            “အကိုကပိုလို.တောင်မသန်.ပါဘူး..အခုအကို့မှာ...A.I.D.S.ရောဂါရနေပြီညီမရဲ.  

             အကိုထင်တယ်  ညီမမှာလည်းဒီH.I.V .ရောဂါပိုးတွေရှိနေလောက်ပြီ..ညီမရဲ.

             အကိုတို့သေကြရတော့မယ်...ညီမရဲ့  အကို့ကြောင့်ပါ..ညီမရယ်”

               

           မောင်တင်လေး၏စကားများကြောင့် အေးငယ်တစ်ယောက်ကြက်သေသေပြီး

          ရင်ဘတ်ထဲမှာစူးနင့်အောက်တက်လာခါသတိမေ့သွားပါတော့သည်။

 

         

 “ကျွန်မသတိရလာတော့ ကျွန်မမိဘတွေကိုမျက်ရည်လည်ရွဲနဲ.တွေ.လိုက်ရပါတယ်....

             

အကို့ကိုတော့ လုံးဝမတွေ့ရတော့ပါဘူး သူ့အမှားတွေအတွက်တောင်းပန်ထားတဲ့

            

  စာတစ်စောင်ကိုဘဲတွေ့ရပါတယ်၊  အဲဒီစာမှာသူဘယ်လိုကြောင့် ရောဂါရခဲ့လည်းဆို

           

  တာသိရလို့အခုလိုပြန်ပြောပြနိုင်တာပါ....ရှင် ”

             

 “ ဒါဆိုညီမက....မအေးငယ်ပေါ့   နော် ”

            

 “ ဟုတ်ပါ တယ်ရှင်.....ကျမသွေးစစ်ကြည့်တော့လည်း H.I.V ရောဂါပိုးတွေ့တယ်လေ

            

  အစထဲကလည်းမျှော်လင့်ပြီးသားမို့ သိပ်တော့မတုန်လှုပ်တော့ပါဘူး....

ဒါပေမဲ့ကျွန်မလေ.. ဘာအပြစ်တွေလုပ်ခဲ့မိလို့  ဒီလိုအဖြစ်ဆိုးနဲ့ တွေ့ကြုံရတာလည်းဆိုတာ 

ဘယ်လိုမှ တွေးလို့  မရခဲ့ဘူး....

.ကျွန်မလေ...ဟိုးငယ်ငယ်လေးထဲကမျှော်လင်.ချက်တွေအများကြီးထားခဲ့တာ

            

 မိဘတွေရဲ့သွန်သင်မှုအောက်မှာ လိမ်လိမ်မာမာနေခဲ့တာ...

ကျွန်မကပညာတတ်တစ်ယောက်  ဖြစ်အောင်  အမြဲကြိုးစားခဲ့တာ

ကျွန်မဆယ်တန်းဖြေတုန်းကဆို  ဆေးသွင်းရတဲ့အထိစာတွေကျက်ခဲ့ရတာတွေ 

ဘွဲ့ရအောင်ကျွန်မကြိုးစားခဲ့ရတာတွေ နှမျောလိုက်တာရှင်....”

               

မအေးငယ်မှာပြောနေရင်း အသံမှာ ဆို့နင့်သွားပါသည်။ကျွန်တော်လည်းဘယ်လိုအားပေးစကား

           

 ပြောရမည်မတွေးတတ်၍တိတ်တိတ်ပင်နေနေလိုက်မိသည်။

 နောက်တော့မှ မအေးငယ်က.......

          

 “ကျွန်မ..အကိုနဲ့ ချစ်သူဖြစ်ကြတုန်းကလည်း  မိဘတွေကိုတိုင်ပင်အသိပေးခဲ့တာပါ..အကိုက

        

  ရိုးသားတယ်  ကြိုးစားတယ် အသောက်အစားလည်းကင်းတယ် ဆေးလိပ်တောင်မသောက်

       

  တတ်လို့မိဘတွေကလည်းသဘော တူလက်ခံကျေနပ်ခဲ့တာပါ.........

သာယာတဲ့အိမ်ထောင်တစ်ခုကို  တည်ဆောက်ပြီး ပညာတတ်သားသမီးတွေမွေးဖွားမြေတောင်

မြှောက်ပေးဖို့ အိပ်မက်တွေမက် ပြီးကြိုးစားစုဆောင်းခဲ့တာပါ....

အဲ့ဒါတွေအခုတော့ကျွန်မနဲ့အတူ မြေကြီးထဲယူသွားရတော့မယ်”

       

  မအေးငယ်ကမျက်ဝန်းမှာခိုတွဲလာသောမျက်၇ည်များကိုမကျလာအောင်  မျက်နှာကိုမော့ပြီး

        

  မျက်တောင်ခပ်နေလိုက်တယ်။

          

   “ကျွန်မဒါတွေပြန်စဉ်းစားမိရင် ၀မ်းနည်းပြီး ငိုချင်လာတယ်

  ဒါပေမဲ့ ကျွန်မ မငိုဘူး ကျွန်မငိုနေရင် သေလမ်းကိုသွားနေတဲ့ ကျွန်မ ကိုကြည့်ပြီး    ကျွန်မမိဘနဲ့

 မိတ်ဆွေသူငယ် ချင်းတွေပိုပြီး ခံစားနေ ရမှာကျွန်မ လုံးဝမလိုလားဘူး 

ကျွန်မရဲ့နောက်ဆုံးအချိန်တွေကို တရားတော်နဲ့ကုန်လွန်စေဖို့     ကျွန်မဆုံးဖြတ်ထားတယ်...

အဲဒီမှာကျမ အသိတစ်ခုရလိုက်တယ်   ပြီးခဲ့တဲ့အပါတ်က မဘေဘီဆုံးသွားတယ် 

 ပြီးရင် ကျွန်မ နဲ့ကိုတင်လေးသေကြ ဦးမှာ  နောက်တော.လူတွေ အများကြီး

            

  ရောဂါအမျိုးမျိုးနဲ့ သေကြဦး မှာတချို.သေရမှာ..........

ကိုမေ့နေကြတယ်  တချို.ကတော့မမမေ့ဘူး.......

              

  ဘယ်လို ဘယ်နေရာမှာသေရမယ် ဆိုတာကိုမသိဘူး .......

 ကျွန်မကတော့ဘယ်နေရာမှာဘယ်   လိုဝေဒနာနဲ.သေရမယ်ဆိုတာသေသေချာချာသိနေတယ် 

 နေ.တိုင်း လူတွေက အ ကုသိုလ်ကိစ္စတွေကို  ကံသုံးပါးနဲ့ ပြုမိနေကြတယ် 

 နေတဲ.အချိန်များလေလေ   အ ကုသိုလ်လုပ်မိတာ တွေများလေလေမို့

 ကျမ စောစောသေရမှာတော့. ၀မ်းမနည်းတော့ပါဘူး..ဒါပေမဲ.ရှင်”

                     

        မအေးငယ်ကတစုံတခုကိုလေးလေးနက်နက်စဉ်းစားထားမိဟန်ရှိသည်။ပြီးမှ....

             

  “ ကိုတင်လေးက သူ့အမျိုးတွေနဲ.နေနေတယ်...ကျမကိုနေ.တိုင်းဘုရားပန်းတွေလာလာပို့တယ်

             

  ဟောဟိုအ၀ကတိုင်လေးမှာတင်တင်သွားတာကျမတစ်ခါမှသူပေးတဲ.ပန်းနဲ.ဘုရားမတင်ဘူး

             

 ဆရာလေးတွေသာ ဟိုးကစေတီလေးမှာသွားကပ်ပေးကြတာ  ကျမသူပေးတဲ.ပန်းကို

             

  ကပ်မိရင် နောင်သံသရာမှာပြန်ဆုံရမှာကိုမလိုလားတော.ဘူး

 ဒါသူ.ကိုကျမပေး   လိုက်တဲ့ပြစ်ဒါဏ်ဘဲလေ  ”

            

  “  ကိုမောင်မောင်က  တဏှာရမက် ကြီးမားလို့ရောဂါ ရတာ စီးပွားပျက်ပြီးသေရတာ

           

 မဘေဘီက အိမ်ထောင်ရေးဖေါက်ပြန်လို့ သေရတာ

 ကိုတင်လေးကလင်ရှိမယားကိုဖေါက်ပြန် လို့ ဒုသနသော ဆိုတဲ့ကံကြီးထိုက်လို.သေရမှာ

  သူတို.မှာအမှားကိုယ်စီနဲ့ သေကြတာ။

         

   ကျမ နဲ့ကျမရင်သွေးလေးက ဘယ်လိုအမှားလုပ်မိလို့သေရတာလည်း

 ကျမတော်တော်  လေးစဉ်းစားခဲ.တာ ရှေးဘ၀က ကံကြောင့်လို့တော့တွေးမိပါရဲ့  

ဒါပေမဲ့ကျမရဲ့   အမှားတစ်ခုကိုလည်းသွားတွေ.တယ် 

 နောက်လူတွေ အဲဒီလိုအမှားကို မမှားစေချင်လို့  ကျွန်မ အကိုတို့လိုစာရေးတတ်တဲ့သူတွေက တဆင့်

ကျွန်မ မသေခင်အချိန်လေးမှာပြောသွား   ချင်လို့  ဆရာတော်ကတဆင့် မှာလိုက်တာပါ”

              

 “ဟုတ်ကဲ.ပြောပါ မအေးငယ်ကျနော်သေချာရေးပေးပါ့မယ် ”

               

 “ကျွန်မလေ....အမှားတစ်ခုဘဲ...မှားခဲ.တယ်ပြင်မရတဲ့ တစ်ခုတည်းသောအမှား 

 အဲဒါကတော့........

                  

ကျွန်မ...ကျွန်မ. ..မင်္ဂလာမဆောင်မှီ သွေးစစ်ဖို့  ရှက်ခဲ့တယ်..  

သူငယ်ချင်းတွေပြောတာ ကြား    ဖူးခဲ့ပေမဲ့မလိုအပ်ဖူးထင်မိခဲ့ပါတယ်....

ဒါဟာကျွန်မရဲ.တစ်ခုတည်းသောအမှားပါ.....

           

  .နောက်လူတွေ   ကျွန်မလိုမမှားအောင်သတိပေးကြပါ  သိပြီးတဲ့သူတွေလည်းလက်ဆင့်ကမ်း

           

  ပေးကြပါ လို့မှာချင်ပါတယ်  ကျွန်မပြောချင်တာက ဒါပါဘဲ လိုအပ်ရင်ကျွန်မဓါတ်ပုံပါတင်ပေး

           

  လိုက်ပါ ကျွန်မခွင့်ပြုပါတယ် ”

              

   ကျွန်တော် ကင်မရာကိုယူပြီး မအေးငယ်မျက်နှာကိုချိန်လိုက်တယ်  မအေးငယ်ကမျက်နှာကို

          

 မော့ပြီးကင်မရာကိုစေ့စေ့ကြည့်နေ လိုက်တယ်သူ့မျက်နှာကကျေနပ်တဲ့ပုံကိုကျွန်တော့်ကင်မရာ

       

   ထဲမှာမြင်နေရပေမယ့်ခလုတ်ကိုမနှိပ်ဖြစ်  ကျနော်ကင်မရာကိုပြန်ချလိုက်တယ်။

              

  “ ရပါတယ်ဗျာ   ဓါတ်ပုံမလိုတော့ပါဘူး  ကျွန်တော်ကြိုးစားရေးပေးပါ့မယ် ”

                          

  “ကျေးဇူးတင်နေပါ့မယ်ရှင်   တကယ်ပါ”

                 

                ကျွန်တော် မအေးငယ်ကိုနှုတ်ဆက်ပြီးလေးလံသောခြေလှမ်းများနှင့်ရိပ်သာလေးထဲမှပြန်

လာခဲ့သည်။ကျွန်တော်သူပြောသလိုရေးဖို့လည်းဆုံးဖြတ်လိုက်သည်။

                လမ်းမှာ ပိန်လှီနေသောလူတစ်ယောက်ပန်းစည်းကလေးကိုကိုင်လို့ ဒယိမ်းဒယိုင် နဲ့

.ရိပ်သာဘက်ဖြေးဖြေးလေးတက်သွားတာ တွေ.ရသည်။မောင်တင်လေးဖြစ်မယ်ထင်သည်။

သူကိုင်သွားသော ပန်းကလေးများကိုကြည့်ရင်း

 မအေးငယ်၏စကားသံများကြားရောင်ရင်းစိတ်မကောင်းဖြစ်မိသည်။

                   “ကျွန်မတစ်ခါမှသူပေးတဲ့ပန်းနဲ့ဘုရားမတင်ဘူးဆရာလေးတွေသာဟိုးကစေတီ

              

                    လေးမှာသွားကပ်ပေးကြတာ  ကျွန်မသူပေးတဲ့ပန်းကို ကပ်မိရင် နောင်သံသရာ

               

                      မှာပြန်ဆုံရမှာကိုမလိုလားတော့ဘူး ဒါသူ့ကိုကျွန်မပေးလိုက်တဲ့ပြစ်ဒါဏ်ဘဲလေ  ”

                                           

                         ဆက်လက်ကြိုးစားရေးသားပါ့မည်။

                                                                                             

                                                                                          တတိုင်းမွှေး။ ။

   

  (ဤ ဘလော့ တွင်ပါဝင်သောအမည်များမှာအမှန်များမဟုတ်ကြပါ။မအေးငယ်၏အမှား

     

  မျိုးမမှားကြပါရန် လက်ဆင့်ကမ်းမျှဝေပေးဖို့တောင်းဆိုလိုက်ပါရစေနော်..)

    

   မပေါင်းသင်းခင်  သွေးစစ်လျှင်  ကြည်လင်အေးမြ   အိမ်ထောင်သည် ဘ၀။