သာည်မိုး သည်လေ သည်လူတွေနှင့်

 

(၁)

လှိုင်းကလည်းလူး ၀ဲကစူး

လေရူးကတိုက် ညမှောင်မိုက်

ယိမ်းလိုက်ဘသား အော်သံကြား

ပဲ့သမားလည်းပဲ့မပိုင်

လှေထိုးသားလည်းတက်မနိုင်

ရွက်တိုက်လည်းကျိုးဝဲယာတိုး

သည်မိုးသည်လေ သည်လူတွေနှင့်

သည်လှေဘယ်သို့သွားမှာလည်း ။

(၂)

ပဒေသာပင်က လည်း မြေကမပေါက်နိုင်

သူများတွေလိုလည်း ခြေဖျားမထောက်နိုင်

ရောက်နိုင်ပါသော်လည်းတက်က မညီ

ငါတို့ပြည်က ကြမ္မာ မလှ

သည်လိုဘ၀မှာ ထာဝရနေသွားတော့မှာလား ။

(၃)

တိုင်းပြည်ကတော်တော်လေးညှော်နေပြီ

ပျော်နေသူတွေကတော့ ဒုနဲ့ဒေး

နိုင်ငံ့အရေး ကမဆိုင်သလိုနေနေကြ

အစိုးရ ဆိုတာကိုသံပြိုင် အပြစ်တင်

အကြွေးတင် ရှင်ဘုရင်ဆပ်မည်တွေး

သည်တိုင်းပြည်ရှေ့ရေးရင်လေးပါဘိ ။

(၄)

ခေတ်အဆက်ဆက် ဖြစ်ပျက်သမျှအကျည်းတန်

နေရာမှန်ကို လူမှန်မရောက်သေးသမျှ

မကြာခဏ ကျွန်ဖြစ်

နွံနစ်ရတာကိုအသားကျ

အစားမ၀ ခါးမလှ

မတရားသမျှ ခံပေတော့ ။

(၅)

တိုင်းပြည်ကြီးက ကသောင်းကနင်း

ပဲ့ကိုနင်းတော့ ဦးကထောင်

တောကြောင်တွေကအစာဝ

အာဏာပြလို့ကိုယ်ကျိုးရှာ

အမျိုးနဲ့သာသနာကိုမငဲ့ကွက်

ကိုယ့်လက်တွေကိုကိုယ်ဖြတ်ရောင်း

သည်စနစ်ဟောင်းတွေကိုထားခဲ့ ကြပါစို့ ။

(၆)

ပြည့်စုံတဲ့ဘ၀ကိုလိုချင်လျှင်

"တကယ်ဖြစ်ချင်တကယ်လုပ်

အဟုတ်ဖြစ်ရမည်"တဲ့

လိုချင်တာမှန်သမျှ မရရအောင်ကြိုးစား

ဝိရိယလည်းထား ဇွဲလည်းထား

ညဏ်အားလည်းကူစုပေါင်းယူ

သာတူညီမျှ လက်တွဲကြ ။

(၇)

တို့ပိုင်ဆိုင်ထားတဲ့မြေရဲ့တန်ဖိုး

တို့လူမျိုးတွေမသိသမျှ

တို့တစ်တွေတန်ဖိုးကျ ကျနေရတယ်

တို့ခြံမြေတို့တလင်း

တို့အချင်းချင်းလက်ဝါးရိုက်

တို့စိုက်တာတို့စား

အခြားဘယ်သူ့မှအားမထားနှင့် ။

(၈)

သူများပေးတိုင်း အလကားယူ

တစ်ပါးသူဆီမှာဒူးထောက်

တနပ်စားစိတ်တွေဖျောက်လိုက်ပါ

ကိုယ့်ကြမ္မာကိုယ့်ဘာသာစီရင်

ကိုယ်မှားတာကိုယ်ပြင်ကြ

ယခင်ကအမှားထပ်မမှားကြေး

ကိုယ့်ဘာသာသတိပေးကြပေါ့ ။

(၉)

သဒ္ဒါလို့ပေး သေဆေးတောင်သောက်

အခုတော့လူမျိုးပါပျောက်လုလု

ကျားကြောက်ရင် ကျားကိုသတ်

ရှင်ကြီးလက်တော့မအပ်နှင့်

အရပ်ကလာကူတာ

ကြည်ဖြူပါလျှင် အရုပ်ကလေးရပေမည့်

မကြည်ဖြူလျှင် ဒုတ်ပေးတတ်တယ်ဗျ ။

(၁၀)

တွဲလက်လည်းခိုင် စိတ်လည်းခိုင်

အပြိုင်ကြိုးစား တို့ရိုးသားမှ

တိုင်းပြည်လည်းလှ လူလည်းဝ

ဘ၀လည်းမြင့် စိတ်လည်းမြင့်နိုင်

အရှုံးတွေထိုင်ပြီးအနိုင်တွေထ

(တို့တွေ ) အတူတကွပြုပြင်ကြပါစို့ ။

တတိုင်းမွှေး ။ ။18-05-2014